معافی

کچھ باتیں آپ معاف کرنا بھی چاہیں تو دل معاف نہیں کرتا۔۔۔ اور جب تک دل معاف نہ کرے معافی ہوتی نہیں۔۔۔

عافیت

اور عافیت سے ہیں تو بس وہی ہیں جن کے آنے پر کوئی ان پر نظر نہیں کرتا اور اٹھ کر چلے جانے پر کوئی ان کا ذکر نہیں کرتا..

سفر جاری رہتا ہے

جہاں قدموں کے نشان معدوم ہوں، وہاں سے نیا رستہ شروع ہوتا ہے۔ روشنی کی جستجو چھوڑ کر خود روشنی بن جانا ہوتا ہے، چراغ سے چراغ جلتا ہے، سفر جاری رہتا ہے۔ اور روح تو ہے ہی ایک چلتا مسافر

ازلی شناخت

یہ کلاک کی ٹک ٹک ہے یا "فنا، فنا" کی پکار ہے۔۔ازلی تنہائی یا ازلی شناخت۔۔ یا وحدت جو وحدت کو پکارتی ہے

آزمانا

آزمانا نہیں چاہیے

نہ کسی اچھے کی اچھائی کو اور نہ ہی کسی برے کی برائی کو، آزمانا نہیں چاہیے

دل بددماغ

مکرر۔۔
دل بددماغ ہوچکا ہے اور دماغ بددل۔۔۔ اور دونوں ایک دوسرے کا ساتھ چھوڑتے ہیں نہ ایک دوسرے کی سنتے ہیں

مایوسی

مایوسی کفر ہے۔۔۔ بے شک مگر وہ جو اس مایوسی کا سبب بنتے ہیں، وہ جو انسانوں کو ہر امید سے خالی کر دیتے ہیں، جو خدا سے بھی مایوس کرکے اسی خدا کا نام لیتے ہیں۔۔۔ کچھ خطا ان کی بھی ہوتی ہے یا نہیں

تعجب ہے

کہیں پڑھا
تعجب ہے اُن پہ ـــ جو لوگوں کے دلوں سے کھیلتے ہیں ــــ اور خدا سے دعائیں یہ کرتے ہیں کہ وہ اُن کے دلوں کو سکون بخشے۔۔

جینے کا پاسپورٹ

ایسا کیوں ہے کہ جس پر جن رشتوں پر ہم خرچ کرتے ہیں، اس کی زندگی کا پاسپورٹ اپنے قبضے میں لے کر ساری مہریں خود لگانا چاہتے ہیں، سارے فیصلے بھی اپنی مرضی سے کرنا چاہتے ہیں۔۔۔

راستے

راستے کبھی بھی بے سمت نہیں ہوتے، منزل تک راستے ہی پہنچاتے ہیں، بے سمت تو خود انسان ہوتا ہے

قابل استعمال

مکرر ۔۔۔ ایک بات۔۔۔
بیشتر اوقات ہم جانتے بوجھتے استعمال میں محض اس لئے آتے رہتے ہیں کہ  دنیا ہم پر نا قابل استعمال کا لیبل نہ لگا دے۔

صفر

صفر کو کچھ نہ جاننے والے جان لیں کہ دوسرے اعداد کی وقعت بڑھانے کے لیے صفر کی موجودگی لازم ہے۔
یعنی

لگا کر دیکھ لے جو بھی حساب آتا ہے

مجھے گھٹا کر وہ گنتی میں رہ نہیں سکتا

مظلوم

تو طے یہ ہوا ہے کہ مظلوموں کے بھی طبقے ہیں۔۔درجہ اول، درجہ دوم، درجہ سوم۔۔۔

ایک سوال کئی جواب

زندگی سب کو ایک سے سوال دیتی ہے۔۔لیکن جواب کی تلاش مختلف ہوتی ہے، جواب مختلف ہوتے ہیں۔۔۔ یا مختلف جواب ملتے ہیں۔۔۔ ہر کسی کے لیے ایک سوال کا ایک سا ہی جواب نہیں ہوتا، سو دوسروں کو اپنے تلاش شدہ جواب کی کسوٹی پر مت پرکھیں

کمائی

انسان کی اصل کمائی انسان ہی ہوتے ہیں، پیسہ نہیں۔۔۔۔

امید

امید کی بنیاد میں کوئی ٹھوس وجہ موجود نہ ہو تو۔۔۔وہ امید نہیں حماقت ہوتی ہے

دوست

جو دوست ہوتے ہیں، انہیں آپ کا چہرہ پڑھنے کے لیے چہرہ دیکھنے کی بھی ضرورت نہیں ہوتی۔۔۔

ہوا جاگیر ہوتی تو۔۔۔

ہوا جاگیر ہوتی تو۔۔۔
ہم ایک دوسرے کی سانس پر پہرے بٹھا دیتے۔۔۔

فنا

ہر ذی روح کو، ہر زندگی کو، ہر جذبے کو ،ہر احساس کو ، ہر شے کو،
گزرتے وقت کو، ہر لمحے کو فنا ہے
سب کو فنا ہے۔۔۔۔

دکھ کی بات کہ خوشی کو فنا ہے۔۔۔

خوشی کی بات کہ دکھ کو بھی فنا ہے۔۔۔

فیصلے

ہم میں سے اکثر لوگ خود اپنی زندگیوں کے فیصلے نہیں کرپاتے لیکن ہم دوسروں کی زندگیوں کے فیصلے بڑے شوق سے کرتے ہیں۔۔۔۔