اور خدا کہتا ہے کے وہ اپنے بندوں پر  ان کی برداشت سے زیادہ بوجھہ نہیں ڈالتا.. شاید اس کا مطلب یہ ہے کہ  جتنی برداشت ہے بوجھہ بھی اتنا اٹھانا ہوگا ، کم ظرفوں کو بوجھہ بھی کم ملتا ہے ،عالی ظرفوں کو برداشت بھی زیادہ کرنا پڑتا ہے

انسان کی اقسام

جانوروں کی اقسام معلوم اور کسی تعداد میں ہیں جب کہ انسانوں کی اقسام لاتعداد ہیں اور غیر معلوم

وبائی احساس

وبا ضروری نہیں کہ کسی بیماری ہی کی ہو ، کچھ احساسات یا سوچیں  بھی ایک انسان سے دوسرے تک کسی وبا کی طرح منتقل ہوتے ہیں، جیسے اچھائی ، یا اداسی یا مسکراہٹ..

جہدِ مسلسل

زندگی مسلسل جنگ ہے، اپنی اچھائی پر قائم رہنا مسلسل اور تھکا دینی والی جنگ ہے اور اپنے دل کو ہر شکوے شکایت سے، چاہے وہ لوگوں سے ہو یا الله سے، پاک رکھنے کا نام صبر ہے

لوگ انقلاب کی بات کر رہے ہیں،یہ انقلاب ہمارے قلب میں کیوں نہیں آتا آخر

نا قابل استعمال

کچھ لوگوں کے نزدیک انسان بھی قابل استعمال جنس ہے اور بیشتر اوقات ہم جانتے بوجھتے ان کے استعمال میں محض اس لئے آتے رہتے ہیں کہ  وہ ہم پر نا قابل استعمال کا لیبل نہ لگا دیں

حد بصیرت؟

مجھے یوں لگتا ہے جیسے دھند کسی علاقے تک محدود نہیں رہی ..یہ ہماری تاریخ ،جغرافیے ،ہمارے نظریات،احساسات،بلکہ ہماری ہر طرح کی سوچ پر بھی چھا گئی ہے.. شب میں تو چراغ روشن ہو جاتے ہیں ، دھند میں کیسے دکھائی دے گا کچھ؟ جب بصارت کی حد  چند گز سے زیادہ نہیں.. جب بصارت کی حد اپنی ذات سے آگے نہیں..
مگر پھر خیال آتا ہے بصیرت ، بصارت کی محتاج  تو نہیں ہوتی

ٓAah!

We'll either convince you or kill you..

عمل اور نیت

اگر عمل کا دارومدار نیت  پر ہے ..تو کیا کسی کا عمل اس کی نیت  کو ثابت کر دیتا ہے..

دنیا و دین دار

دنیا دار دوسروں کے حصّے کی خوشی بھی سمیٹ لیتا ہے .. اور دین دار اپنے حصے کی خوشی بھی بانٹ دیتا ہے

صفائی نصف ایمان

صفائی نصف ایمان ہے .. اور اگر دل صاف ہو، نظر صاف ہو، روح صاف ہو تو کیا ایمان کامل نہ ہو جائے..

عمل میں الف کا اضافہ

عمل میں ایک الف کے اضافے سے انسان عالم بن جاتا ہے.. اور یہ الف وہی  ہے جس کے  لئے کہا گیا "اکو الف مینوں درکا ر

بات صرف لاجواب کرتی ہے

بات قائل نہیں کرتی، بات صرف لا جواب کرتی ہے. دوسروں کو آپکی بات کا قائل آپ کا عمل کرتا ہے

طلوع

سورج کہیں غروب ہو رہا ہو تو زمین کے کسی دوسرے علاقے میں طلوع ہو رہا ہوتا ہے..ہم بھی جو یہاں غروب ہو رہے ہیں، عین ممکن ہے کسی اور جگہ کسی اور افق پر طلو ع ہو رہے ہوں

روح کی پرواز

روح ہر بوجھ سے ہلکی ہو تبھی سوچ یا خیال پرواز کرتے ہیں.. اور یہ بوجھ منفی جذبے یا ضمیر کا بوجھ ہوتا ہے جو خیال کو پرواز سے روکتا ہے

مصروفیت نعمت ہے مگر ایک فعال ذہن  کے لئے فراغت بھی نعمت ہے

قدموں میں بچھنا

دوسروں کے قدموں میں ضرورت سے زیادہ بچھنے کی  کوشش کی جائے تو دوسرےاکثر آپ کو قدموں ہی میں رکھہ  لیتے ہیں

خود شکن

کہیں پڑھا..

بت شکن سب  ہیں خود شکن کوئی نہیں

interdependence

interdependence is a higher value than independence....

آنکھیں نہیں دیکھتی ہیں ،روشنی دکھاتی ہے